Zumba solidaria en Vilarmaior este domingo 16 de novembro a favor da AECC
Vilarmaior acollerá este domingo 16 de novembro unha actividade deportiva de marcado carácter solidario: unha masterclass de zumba dirixida a todos os públicos que terá lugar ás 11.30 h no pavillón municipal. A entrada será libre, e calquera participante poderá realizar un aporte voluntario que se destinará, na súa totalidade, á Asociación Española Contra el Cáncer (AECC).
A AECC, entidade sen ánimo de lucro declarada de utilidade pública, desenvolve a súa labor no conxunto de España dende 1953 co obxectivo de diminuír o impacto do cancro e mellorar a calidade de vida das persoas enfermas e dos seus familiares. Entre as súas liñas principais de actuación destacan: a prevención e sensibilización sobre factores de risco, o apoio aos pacientes e ás súas familias, e a financiación de proxectos de investigación oncolóxica.
A iniciativa en Vilarmaior busca precisamente mobilizar á comunidade local para contribuír a esta causa, combinando actividade física, ocio e solidariedade nun entorno deportivo. É unha oportunidade para que as persoas participen, movéndose ao ritmo do zumba, e ao mesmo tempo colaboren cunha entidade que día a día traballa en múltiples frentes fronte ao cancro.