Xunta de Seguridade pola declaración de alto risco no Deportivo–Cultural Leonesa deste sábado 8 de novembro
O subdelegado do Goberno na Coruña, Julio Abalde, presidiu a xunta de seguridade convocada con motivo da declaración de partido de alto risco do encontro da 13ª xornada da Segunda División que enfronta hoxe sábado ao R.C. Deportivo da Coruña S.A.D. e á Cultural e Deportiva Leonesa S.A.D.
Na reunión, á que asistiron representantes da Policía Nacional, da Policía Local e do equipo de seguridade do Deportivo, avaliáronse as medidas de coordinación necesarias para asegurar un desenvolvemento seguro do evento deportivo. O dispositivo acordado contempla a colaboración entre corpos policiais e o club para ordenar os accesos e previr incidencias tanto nos arredores do estadio como no interior.
Abalde puxo en valor a coordinación entre institucións e club, que permite artellar un operativo eficaz e ben sincronizado. 'O obxectivo é garantir que a xornada deportiva se desenvolva con total normalidade e seguridade para as afeccións e a cidadanía', sinalou o subdelegado tras a xunta.
O Concello e as forzas de seguridade fan un chamamento á responsabilidade individual e á chegada con tempo abondo para facilitar os controis de acceso, lembrando que a prevención e a colaboración da afección resultan chave para unha experiencia deportiva segura e sen incidencias.