Eventos

A cita será na madrugada do 1 de xaneiro, a partir da 01.00 horas, no local social, con DJ, cotillón e pinchos variados

A parroquia de Xarío (Miño) prepárase para dar a benvida a 2026 cun baile de Aninovo promovido pola comisión de festas de San Xoán de Vilanova. Segundo avanzou o Concello de Miño, a celebración desenvolverase no local social e arrancará na madrugada do Ano Novo, a partir da 01.00 horas.

A organización anuncia unha noite pensada para prolongar a festa tras as badaladas, cun DJ para animar a velada, cotillón e unha proposta gastronómica de pinchos variados. No cartel do evento figura tamén a colaboración da Asociación de Veciños de Xarío, a Sociedade Cabalar Miñense e o propio Concello.