Volven as sesións gratuítas de baile e movemento para maiores en Fonteculler
O Concello de Culleredo reanuda as sesións gratuítas de baile e movemento dirixidas principalmente ás persoas maiores do municipio, unha proposta impulsada desde a área de Maiores para favorecer o envellecemento activo, o benestar emocional e a socialización a través da música e do exercicio físico.
As clases forman parte do programa de 'baileterapia' iniciado o pasado mes de outubro e desenvolveranse o primeiro e o terceiro venres de cada mes, en horario de 17.30 a 20.00 horas, no Centro Social Virginia Blanco de Fonteculler. A próxima cita está prevista para o venres 16 de xaneiro.
A pesar de estar pensada para a poboación maior, a iniciativa está aberta a todas as persoas que queiran participar. O Concello lembra que a actividade é de balde e non require inscrición previa.
