Visita guiada 'Terras de Ordes: Os Lugares do Paraíso' en Frades
A Mancomunidade de Ordes, coa colaboración da Deputación da Coruña e do Concello de Tordoia, organiza o 19 de outubro a visita guiada 'Terras de Ordes: Os Lugares do Paraíso' no concello de Frades. A actividade ten como obxectivo dar a coñecer o patrimonio cultural e natural da comarca.
O itinerario inclúe o Pazo de Galegos, a carballeira do Petón, a Igrexa de Santa María de Gafoi, o castro de Meus (Aña) e o MUFRA (sala etnográfica), cunha explicación a cargo de guía especializada. A saída realizarase desde a praza do Concello de Tordoia ás 09.30 horas e a volta está prevista para as 13.30.
As prazas son limitadas, polo que é preciso anotarse a través do código QR habilitado no cartel informativo. A organización recomenda acudir con calzado cómodo e puntualidade para facilitar o desenvolvemento da visita.