Vilasantar recibe unha axuda europea para mellorar a xestión dos biorresiduos
O Concello de Vilasantar resultou beneficiario das axudas destinadas ás entidades locais galegas para financiar actuacións en materia de residuos de competencia municipal. A subvención permitirá avanzar na implantación de recollidas específicas de biorresiduos, aceites de cociña usados e residuos téxtiles.
A achega concedida ascende a 5445 euros, dentro da actuación L2 (Compostaxe) do procedemento MT975T, o que supón o financiamento da maior parte do investimento previsto polo municipio.
Trátase dunha operación cofinanciada pola Unión Europea a través do fondo europeo vinculado ao Mecanismo de Recuperación e Resiliencia da UE (NextGenerationEU), dirixido a apoiar proxectos locais que impulsen unha xestión máis sostible dos residuos e favorezan a economía circular.