Deputación

Baixo o nome 'A Coruña cos 5 sentidos', a Deputación promocionará o sector agroalimentario e gastronómico nunha cita que terá lugar no hotel NOBU

Turismo da Deputación leva a Donosti 'A provincia que sabe', organizando un encontro no emblemático Hotel Nobu, onde o mércores 21 estará promocionando o sector agroalimentario e gastronómico, da man de diferentes produtores locais e os cociñeiros do Restaurante Balarés, que exhibirán ante o público donostiarra a materia prima da provincia.

O evento, dirixido a un público profesional e baixo o nome 'A Coruña cos 5 sentidos', a Deputación pon en valor “a excelencia dos nosos produtos, e tamén da nosa gastronomía”, apunta o vicepresidente e deputado de turismo, Xosé Regueira. “Queremos presumir do noso bo facer e dirixirnos a un perfil de visitante que valora a calidade e a sustentabilidade”, engade, “por iso levamos a cabo iniciativas como esta, que forman parte da nosa estratexia de reivindicar un turismo e gastronomía de alto nivel como principal valor diferencial”.

Algúns dos productos que representarán a provincia este mércores na cidade gipuzkoana son os berberechos do Anllóns, percebes do Roncudo, polbo de Mugardos, mexillóns do Barbanza, empanada de Carballo, grelos de Monfero ou queixo de Arzúa – Ulloa, entre outros. Ademais contará, ademais, cun showco-oking do Restaurante Balarés, que cociñará diferentes pratos a base desta ma-teria prima. Todo iso, maridado coas cervexas de Estrella Galicia; viños de dife-rentes puntos da provincia, de Choiva Viños, e vermús Lodeiros.

Produtores como A Despensa d´Lujo, Empanadas Costumes de Galicia, Queixo Galmesán, Vila sen Vento, Licores Bello Blanco ou Cafés Lúas, tamén formarán parte do menú deste evento gastronómico, que rematará na terraza do hotel onde, con vistas a “La Concha”, terá lugar o postre, o networking e un sorteo de agasallos.

“Levamos a Donosti a excelencia da nosa provincia, con produtores como A Despensa d´Lujo, que abastece os mellores restaurantes de todo o estado cos seus produtos da horta de Coristanco, ou o queixo Galmesán, que foi premiado nos World Cheese Awards”, sinala Regueira. “Ofrecemos, en definitiva, un menu diverso, auténtico e de moi alto nivel, que representa á perfeción a nosa provincia”.