Deportes

Marcos Pan e Miriam Cagiao (cadete) e Lucía Otero (xuvenil) entran na convocatoria para o Campionato de España de Seleccións Autonómicas, o 7 e 8 de febreiro en Castrelo de Miño

O Club de Remo Olímpico do Mandeo, con base en Bergondo, comeza o 2026 cunha noticia destacada para a súa canteira: tres deportistas do club veñen de ser incluídos na convocatoria da Selección Galega de Remo para competir no Campionato de España de Seleccións Autonómicas.

Os convocados son Marcos Pan e Miriam Cagiao na categoría cadete, e Lucía Otero na categoría xuvenil, un recoñecemento ao traballo desenvolvido durante a tempada e ao crecemento do proxecto deportivo.

A cita estatal celebrarase os días 7 e 8 de febreiro na pista galega de Castrelo de Miño (Ourense), que esa mesma fin de semana tamén acollerá os Campionatos de España de longa distancia e de seleccións autonómicas no calendario nacional.