Eventos

O Concello muda a localización por motivos loxísticos e meteorolóxicos, mantendo datas e horarios e con acceso libre para a cativada

O Concello de Oleiros informou de que as actividades e obradoiros de Nadal programados na Praza Esther Pita non se celebrarán finalmente ao aire libre. Por razóns loxísticas e meteorolóxicas, todas as propostas trasládanse ao interior do Centro Cívico de Santa Cruz, situado na rúa Ricardo Cubeiro, sen cambios no calendario previsto.

A programación inclúe obradoiros de manualidades e sesións de animación con xogos, dirixidos a crianzas e familias. O Concello remarca que todas as actividades son de acceso libre e gratuítas para a cativada.

• O calendario mantense do seguinte xeito:Martes 23 de decembro (17.00-20.00 h): rebumbio de obradoiros (piruleta de Nadal, carta a Papá Noel, reno Rudolph...).
• Venres 26 de decembro (17.30-19.30 h): animación e xogos.
• Sábado 27 de decembro (17.30-19.30 h): obradoiro de Nadal ‘Os elfos de Papá Noel’.
• Luns 29 de decembro (17.00-20.00 h): rebumbio de obradoiros (boneco de neve, árbore de Nadal, glitter...).
• Martes 30 de decembro (17.30-19.30 h): animación e xogos.
• Venres 2 de xaneiro (17.00-20.00 h): rebumbio de obradoiros (camelos, estrela fugaz, roscón de Reis...).
• Sábado 3 de xaneiro (17.30-19.30 h): obradoiro de Nadal ‘Buscando a Rodolfo’.