Traballos de mantemento eléctrico afectarán a varias zonas de Culleredo esta semana

Os cortes, previstos para as madrugadas do 13 e 14 de agosto, realizaranse para mellorar a rede e reforzar a calidade do servizo

O municipio de Culleredo afrontará esta semana interrupcións temporais no subministro eléctrico debido a traballos de mantemento programados por UFD Distribución Electricidad. As actuacións desenvolveranse de madrugada para minimizar as molestias á veciñanza.

O martes 13 de agosto, os cortes afectarán a Almeiras (de 00.05 a 03.00 horas), As Catas (de 03.00 a 05.00 horas) e a rúa Rafael Dieste (de 02.00 a 04.00 horas). O mércores 14, a subministración verase interrompida en Orro Vello (de 00.05 a 03.00 horas) e en Celas (de 05.00 a 07.00 horas).

Segundo a empresa, estas tarefas son necesarias para garantir un servizo de calidade e atender nas mellores condicións as necesidades de aprovisionamento eléctrico da zona.