Cultura

O trío internacional The Secret Investment actuará en MEGA o 25 de abril cun directo que mestura soul, jazz e electrónica, maridado con cervexa e gastronomía.

O Museo de Estrella Galicia acollerá unha nova velada musical o vindeiro 25 de abril coa actuación de The Secret Investment, unha das bandas máis prometedoras da escena internacional emerxente, dentro da súa programación #PlanazosMEGA.

O trío está liderado pola poderosa voz da británica Tonia Richardson, unha das figuras a seguir no panorama do soul europeo. Acompáñana o versátil baixista e produtor Tino Bonacera e o baterista cubano Rey Ponce, recoñecido pola súa técnica impecable e capacidade de mesturar ritmos afro-cubanos con pulsos modernos.

A sesión musical contará, como vén sendo habitual, cun maridaxe de dúas cervexas e dúas tapas a cargo do equipo de TerraFoods, ademais de cervexa durante o directo.