Taller práctico sobre conducta infantil en Oleiros
O martes 14 de outubro, ás 17.30 horas, as Torres de Santa Cruz acollerán un obradoiro dirixido a familias e profesorado co obxectivo de identificar e abordar condutas infantís. A actividade, organizada pola ANPA de Oleiros, é de acceso libre e gratuíto ata completar aforo.
Durante a sesión, un equipo de terapeutas ocupacionais expertos explicará como a integración sensorial inflúe no día a día das crianzas e ofrecerá claves para detectar sinais de alerta no comportamento dos nenos e nenas. Tamén se presentarán estratexias prácticas para previr estados de malestar e favorecer contornos que axuden á regulación emocional.
Outros puntos a tratar inclúen os riscos do exceso de actividades programadas e do uso de pantallas na infancia, así como a relevancia do xogo como método de aprendizaxe. A proposta combina información técnica con recomendacións aplicables para pais, nais e docentes, co fin de facilitar solucións reais ante problemas de conduta.
O Concello de Oleiros anima a todas as familias e ao profesorado a participar nesta iniciativa formativa e práctica, pensada para mellorar o benestar e a convivencia nas diferentes contornas onde medran os menores.