Santiago de Adragonte acolle a Gran Churrascada de Areas con Los Satélites
A parroquia de Santiago de Adragonte, no concello de Paderne, acollerá o sábado 28 de marzo unha nova edición da Gran Churrascada de Areas, unha xornada festiva que combina gastronomía e música e que se desenvolverá nun campo cuberto con carpa.
O programa arrincará ás 14.00h cunha sesión vermú amenizada por DJ Sebas21 e, a continuación, celebrarase a churrascada. O menú inclúe churrasco, chourizo, pan, viño e sobremesa. Os tickets teñen un prezo de 16 euros en venda anticipada e 18 euros o propio día.
A partir das 18.00h comezará a sesión de tarde coa actuación da orquestra Los Satélites e de novo DJ Sebas21. Ademais, a organización anuncia un sorteo de 300 euros durante a festa.
As entradas pódense mercar en 'O Noso Bar' (Areas) e tamén a través dos teléfonos 660 390 787 (Nando), 659 56 79 58 (Berta) e 689 91 87 98 (Hugo). A Gran Churrascada está promovida pola Comisión Areas 2026 e conta coa colaboración do Concello de Paderne.