Santa Cruz converterase no corazón da olería peninsular co regreso de Alfaroleiros do 6 ao 10 de agosto
Oleiros prepárase para acoller unha nova edición de Alfaroleiros, que entre o 6 e o 10 de agosto celebrará os seus trinta e un anos de historia. A feira, considerada unha das máis representativas da artesanía oleira tradicional na Península Ibérica, reunirá no Parque Luis Seoane unha vintena de oleiros e oleiras procedentes de distintos puntos do Estado español e tamén de Portugal.
Ademais do espazo expositivo no céspede do parque, haberá unha ampla programación de actividades culturais e de lecer repartidas entre o Parque Luis Seoane e a Praza Esther Pita. Veciñanza e visitantes poderán gozar de concertos, maxia, danza, poesía, demostracións de olería, cociña en vivo e música infantil ao longo de toda a semana.
A feira abrirase oficialmente o mércores 6 de agosto ás 12.30 horas, e continuará durante a tarde con:
- 18.00 horas – Demostracións de olería
- 20.00 horas – Espectáculo de música Muiñada de Galeatro (Parque do Emigrante)
- 21.00 horas – Concerto de Catuxa Salom Live Band Trío (Parque Luis Seoane)
O xoves 7 de agosto a programación inclúe:
- 13.00 horas – Demostracións de olería
- 18.30 horas – Demostracións de olería
- 20.00 horas – Espectáculo de maxia de Martín Camiña: 2 ilusionistas cunha menciña contra o fastío (Praza Esther Pita)
- 21.30 horas – Espectáculo Na Cerna do Son, con danza, música e poesía (Parque Luis Seoane)
O venres 8 de agosto:
- 13.00 horas – Demostracións de olería
- 18.00 horas – Bautismo de barro
- 20.00 horas – Concerto infantil O libro máxico de Migallas Teatro (Parque Luis Seoane)
- 22.00 horas – Concerto de Carlangas (Praza Esther Pita)
O sábado 9 de agosto:
- 13.00 a 14.00 horas – Cociña e barro, demostración de cociña en vivo (Parque Luis Seoane)
- 18.30 a 20.00 horas – Obradoiro A olería nas túas mans (Parque Luis Seoane)
- 20,00 a 21.00 horas – Nova sesión de Cociña e barro (Parque Luis Seoane)
- 22.00 horas – Concerto de A Banda da Loba (Praza Esther Pita)
O domingo 10 de agosto, peche da feira con:
- 13.00 horas – Demostracións de olería
- 18.00 a 20.30 horas – Xogos populares (Parque Luis Seoane)
- 19.30 a 21.00 horas – Pasarrúas co Grupo de Gaitas Santaia (Parque Luis Seoane)
Desde o Concello destacan que Alfaroleiros é unha “cita identitaria” que pon en valor o patrimonio inmaterial vinculado á olería, á creación artesanal e ao encontro cultural aberto a todas as idades.