San Gregorio volverá encher de tradición e ambiente festivo a xornada do domingo en Borrifáns
Borrifáns prepárase para vivir este domingo 5 de abril unha das súas citas festivas máis recoñecidas, a Festa da Pascua de San Gregorio, unha celebración que combinará actos relixiosos, música e unha comida de confraternidade para compartir entre veciños e visitantes.
O programa arrancará ás 13.00 horas cunha misa solemne, á que seguirá a bendición de auga e lume, un dos momentos sinalados da xornada. A continuación, ás 14.00 horas, comezará a sesión vermú, que estará amenizada polo dúo Xilo e Carlos.
A celebración continuará coa comida no Local Social de Piñoi, onde se servirá un menú composto por empanada, polbo á feira, churrasco mixto, sobremesa, café e chupito. A organización tamén indica que a bebida estará incluída, con viño, auga e refrescos.
Os prezos establecidos son de 38 euros para persoas adultas e de 19 euros para nenos de entre 5 e 12 anos, mentres que os menores de 5 anos poderán asistir gratis.
As persoas interesadas en acudir xa poden adquirir os seus tickets en dous puntos de venda: o Café-Bar Agarimo, en Curtis, e A Taberna, en Cabrui. A cita preséntase así como unha nova oportunidade para reunir á parroquia arredor dunha festa que mantén vivo o peso da tradición na primavera.