Sada ten todo listo para a Feira Modernista Sada 2025 que inicia co seu Mercado no Paseo Marítimo
Este venres 1 de agosto dá comezo en Sada a Feira Modernista 2025, un evento que une tradición, artesanía e cultura nunha cita que se estenderá ata o domingo pola noite. Pola tarde inaugurarase o Mercado Modernista no Paseo Marítimo, onde o público poderá descubrir unha variada oferta de produtos inspirados na estética e espírito modernista.
No mercado poderase atopar unha ampla variedade de postos con produtos únicos. Entre eles, San Telmo Restauración ofrece antigüidades, restauración e cestería tradicional, mentres que Sacco presenta xoiería artesá en soutache. Complementos Le-Lé ofrece pezas de ganchillo, horquillas e pequena bixutería, e Hábitat Floristas mostra a súa arte floral.
A xoiería en cerámica esmaltada estará representada por Cerámica Alsahi, e Néboa na Ría ofrece pezas de madeira inspiradas na natureza e na cultura atlántica. Zentolas presenta cerámica artística e artesanal, e Sovoral produtos ecolóxicos certificados derivados das colmeas. Para os amantes da gastronomía, Pementón La Ristra ofrece pementón afumado, e Doña Leonor queixos artesáns de vaca, cabra e ovella.
A pintura decorativa e os xoguetes de madeira estarán a cargo de Dorahada, mentres que John Bernard González Pérez exhibirá artesanía feita a man e xoiería. Agarimo Plata presenta xoiería en prata, e Hana no Boshi sombreiros e tocados.
Las Cositas de Grey trae bixutería e complementos, como miyuki e libretas adornadas, e Viodivinitys mostra bixutería artesá en pedras e aceiro, ademais de bolsos de tea feitos a man. Bilitroque ofrece cuncas decoradas e bolsas de algodón reciclado, e Carqueixas presenta bixutería, complementos, miyuki e sacos térmicos.
La Mosquita Muerta ofrece complementos de moda para muller, Grand Line artesanía en papel con figurillas de anime de resina, e La Costura de Susa produtos cosidos a man e xoiería de arxila polimérica. Julio Ordóñez Domínguez trae miniaturas e figuras de personaxes icónicos, mentres que TXI Lux ofrece bolsos, cinturóns, moedeiros, billeteiros, chaveiros e paxaritas. Finalmente, Albranoe S.L. achega coctelería modernista para completar a experiencia.
Esta feira ofrece unha oportunidade única para gozar do mellor da artesanía e do deseño nun ambiente que evoca a beleza e elegancia do modernismo, ao tempo que promove o comercio local e a cultura galega.