Sada contará cunha unidade móbil para a renovación do DNI e Pasaporte en maio
O Concello de Sada anuncia que os días 28, 29 e 30 de maio desprazarase ata o municipio un equipo da Policía Nacional para a expedición do DNI e, como novidade, tamén do Pasaporte. A entrega dos documentos será inmediata, grazas á incorporación de vehículos adaptados para este servizo.
A unidade móbil localizarase na praza Irmáns Suárez Picallo en horario de 9.00 a 13.00 horas durante os tres días. A Policía estima un cupo de 40 prazas diarias, polo que será imprescindible solicitar cita previa. As persoas interesadas poderán facelo a partir do luns 7 de maio na planta baixa do Concello ou chamando ao teléfono 981 620 075 (extensión 255). Para a reserva será necesario facilitar nome e apelidos, DNI e un número de contacto.
Para a expedición do Pasaporte, a Policía Nacional lembra que será preciso achegar unha fotografía recente tamaño carné, o DNI en vigor e aboar unha taxa de 30 euros. No caso de menores de idade, deberán estar presentes ambos proxenitores, que deberán presentar tamén o Libro de Familia.