Sada acolle a función 'Monstros' para o público familiar
A Concellería de Cultura de Sada presenta 'Monstros', unha obra pensada para o público escolar e familiar, que terá lugar o venres 14 de febreiro ás 18.30 horas na Casa da Cultura Pintor Lloréns.
Este espectáculo conta cun elenco de primeira: Patricia Vázquez, Rocío González e Víctor Mosqueira, que, acompañados pola música en directo do músico Piti Sanz, darán vida a un sinfín de historias que exploran os medos humanos a través da técnica do clown. Unha parodia sen maldade e unha crítica sen intención que nos permiten reconciliarnos coa nosa esencia máis infantil.
O escenario, case despojado, e a música en directo transportarán aos asistentes por ambientes misteriosos e sinistros, como sórdidas catacumbas, casas enmeigadas, gabinetes de tortura e criptas de pesadelo. 'Monstros' promete ser unha experiencia única que mestura humor e emocións, facendo que pequenos e maiores se enfrenten aos seus medos con risas e diversión. A cita é imprescindible para todas as familias que queiran vivir unha tarde de teatro chea de maxia e sorpresas.