Queirís acolle un curso de percusión tradicional con Kinhos o 31 de xaneiro
A Antiga Escola de Queirís, na parroquia de Colantres, será o escenario dun curso de percusión tradicional impartido por Kinhos o sábado 31 de xaneiro. A proposta, promovida pola ACR Collantres, busca achegar a veciñanza aos instrumentos e ritmos do folclore galego, tanto para quen comeza como para persoas con certa experiencia.
A xornada estrutúrase en dúas sesións: a infantil (iniciación) desenvolverase entre as 11.30 e as 13.00 horas, mentres que a quenda para xuventude e persoas adultas terá lugar de 16.00 a 19.00 horas. A organización anima a participar a nenas e nenos, familias e tamén a grupos de amizades que queiran aprender (ou perfeccionar) a interpretación dos instrumentos tradicionais.
O curso está dirixido ás persoas socias da ACR Collantres, aínda que a entidade lembra que é posible facerse socia ou socio por 15 euros. Para asistir é imprescindible anotarse previamente a través de WhatsApp no 682 30 03 84. A actividade enmárcase no proxecto de multiactividade infantil e na programación cultural que se desenvolve neste espazo veciñal.