Proxéctase unha pista de pádel cuberta no complexo de O Carregal en Betanzos
O Concello de Betanzos anunciou o proxecto para construír unha pista de pádel cuberta no entorno do complexo deportivo de O Carregal, aproveitando a segunda fase do POS+ adicional da Deputación da Coruña. A actuación, que suporá un investimento superior aos 150.000 euros, foi demandada por un amplo colectivo de veciños e veciñas afeccionados a este deporte. A nova instalación situarase próxima á piscina exterior e terá uso exclusivamente deportivo, sen afectar ás edificacións existentes.
O proxecto contempla o funcionamento independente das dúas instalacións, coa creación dun novo acceso á pista de pádel e un vallado perimetral que impedirá a entrada ao vaso da piscina. Os vestuarios da piscina, en bo estado, serán de uso compartido. Constructivamente, a pista contarase cunha losa de formigón armado sobre a que se asentará a estrutura metálica da cuberta e o vallado, formado por armazón metálico con peche de malla ou vidro de seguridade. Tamén se instalará iluminación artificial e un sistema de recollida de augas pluviais. O deseño segue as indicacións da normativa sobre instalacións deportivas do Consello Superior de Deportes e da Federación Española de Pádel. Ademais, o goberno local propuxo á Xunta outras actuacións deportivas, como un skaterpark, un novo pavillón e un pump track.