Portas Ártabras acolle unha conferencia sobre a figura de Juan González del Valle
O vindeiro xoves 6 de febreiro, ás 20.00 horas, Portas Ártabras acollerá a conferencia titulada 'Os deportados coruñeses aos campos de concentración nazis. O caso do intelectual Juan González del Valle', impartida por Carmen García-Rodeja, membro da Asociación pola Memoria Histórica, e Luis Pérez, catedrático de Literatura e avogado.
Este acto ofrecerá un percorrido pola vida e traxectoria de Juan González del Valle, un intelectual e humanista coruñés cuxo legado merece ser lembrado. Ademais, a conferencia servirá para reivindicar a memoria doutros homes e mulleres coruñeses que, comprometidos cos valores do humanismo, padeceron as consecuencias máis crónicas da represión tras o golpe de estado e foron deportados a campos de concentración nazis.
A entrada é libre ata completar aforo. Unha oportunidade para reflexionar sobre a memoria histórica e honrar a aqueles que loitaron pola liberdade e a dignidade.