Os Reis Magos volverán percorrer as parroquias de Ordes cunha Cabalgata chea de ilusión
O Concello de Ordes xa ten definido o percorrido da Cabalgata de Reis que levará a maxia de Melchor, Gaspar e Baltasar por distintas parroquias do municipio o vindeiro 5 de xaneiro. A comitiva realizará un total de 15 paradas en locais sociais, campos da festa e puntos de encontro habituais, para achegar a ilusión do Nadal aos nenos e nenas (e tamén ás familias) en diferentes lugares de Ordes.
A ruta comezará ás 10.30 horas en Pereira (Local Social) e continuará por Beán, Montaos e Parada, seguindo despois por Lesta e Bailía. Ao mediodía, a Cabalgata pasará por Mercurín e Leira, antes de chegar a Ardemil e A Baixa. No treito final, os Reis Magos visitarán Adrán, Vilamaior, Barbeiros e Poulo, para rematar a xornada en Buscás ás 13.55 horas.
Percorrido e horarios:
- Pereira (Local Social): 10.30 horas
- Beán (Campo da Festa): 10.45 horas
- Montaos (Campo da Festa): 11.05 horas
- Parada (Campo da Festa): 11.20 horas
- Lesta (Local Social): 11.35 horas
- Bailía (Local Social): 11.45 horas
- Mercurín (Local Social): 12.00 horas
- Leira (Campo da Festa): 12.15 horas
- Ardemil (Exp. Rest. Avelino): 12.30 horas
- A Baixa (Local Social): 12.45 horas
- Adrán (Cruce Marquesina): 12.55 horas
- Vilamaior (Anexo Igrexa): 13.10 horas
- Barbeiros (Campo da Festa): 13.25 horas
- Poulo (Local Social): 13.40 horas
- Buscás (Local Social): 13.55 horas
Desde o Concello animan á veciñanza a saír ao encontro da comitiva e gozar dunha mañá pensada para compartir en familia e encher de ambiente festivo cada recuncho do municipio.