Os centros cívicos da Coruña celebran Samaín 2025 con talleres para cativas e cativos
O Concello de A Coruña activa o programa do Samaín 2025 nos centros cívicos da cidade con obradoiros infantís de manualidades: chaveiros de esqueleto, cabazas, sombreiros e figuras de bruxa... A participación é gratuíta e a inscrición realízase en cada centro cívico por orde de chegada.
O itinerario arrinca o domingo 2 de novembro (17.30–19.00) con sesións en C.C. Pescadores, C.C. Santa Margarida e C.C. Artesáns. Proseguirá o luns 3 (11.00–12.30) no C.C. San Pedro de Visma e retomará o venres 7 (17.30–19.00) no C.C. Sagrada Familia.
A xornada máis ampla está fixada para o sábado 8 de novembro (11.00–12.30), con propostas en C.C. Castro de Elviña, C.C. A Silva, C.C. Santa Lucía e C.C. Feáns. A organización destaca a cita do Centro Cívico da Silva, onde as nenas e nenos poderán crear os seus propios chaveiros e adornos de Samaín nun ambiente lúdico e seguro.
Os centros cívicos animan ás familias a consultar o horario do seu barrio e formalizar canto antes a inscrición para garantir praza.