Deportes

Vista Alegre acollerá cinco xornadas de disco, martelo e xavelina e o circuíto chega tras pecharse a edición invernal con dous récords galegos

O Concello de Ordes repetirá como un dos epicentros do atletismo galego ao coorganizar en 2026 o II Circuíto Galego de Lanzamentos Longos. O centro de lanzamentos da Cidade Deportiva de Vista Alegre volverá reunir ao longo do vindeiro ano aos mellores especialistas en disco, martelo e xavelina, aproveitando a homologación oficial das instalacións, que permite celebrar competicións autonómicas con plenas garantías.

O calendario do circuíto estará formado por cinco xornadas xa fixadas: 11 e 18 de xaneiro, 22 de abril, 17 de xuño e a fin de semana do 12 e 13 de decembro. A organización deste programa deportivo implica a suma de esforzos entre a Federación Galega de Atletismo, o Concello de Ordes, a Xunta de Galicia e Deporte Galego.