Ordes abre o II Circuíto Galego de Lanzamentos Longos cunha primeira xornada este domingo 11 de xaneiro
As pistas de Ordes volverán ser escenario do atletismo galego este domingo 11 de xaneiro coa celebración da 1ª xornada do II Circuíto Galego de Lanzamentos Longos. A competición disputarase no centro de lanzamentos da Cidade Deportiva de Vista Alegre, instalacións homologadas nas que se reunirán especialistas de diferentes categorías e clubs.
O Concello anima á veciñanza a achegarse para competir, apoiar ou simplemente gozar dunha xornada centrada nas disciplinas de disco, martelo e xavelina, con participación prevista de lanzadores e lanzadoras de alto nivel.
O circuíto, organizado pola Federación Galega de Atletismo e co apoio institucional, terá en Ordes todas as súas datas de 2026: ademais da cita do día 11, tamén están programadas xornadas o 18 de xaneiro, o 22 de abril, o 17 de xuño e na fin de semana do 12 e 13 de decembro