Once titulados en FP da Coruña terán a oportunidade de realizar estadías formativas en cinco cidades europeas
O Concello da Coruña, a través do proxecto de mobilidade Erasmus+ ‘Bolsas Europa FP-Proxecto Acoreuropa XII’, otorgará once bolsas para realizar estadías formativas de tres meses en cinco destinos europeos. Este programa está dirixido a mozos e mozas que acaban de completar ciclos superiores de Formación Profesional e que se atopan en situación de desemprego, sen experiencia profesional previa.
A convocatoria, que se abrirá este luns, 2 de setembro, cubrirá gastos de viaxe, aloxamento e seguro, así como unha axuda económica de 1.500 euros para a manutención. As estadías terán lugar en Praga (República Checa), Padua e Florencia (Italia), Lisboa (Portugal) e Viena (Austria), entre o 11 de setembro e o 11 de decembro. A selección final das bolsas inclúe:
- Dúas bolsas para Praga en inglés
- Catro bolsas para Padua en italiano
- Duas bolsas para Florencia en italiano
- Unha bolsa para Lisboa en portugués
- Dúas bolsas para Viena en alemán ou inglés
O proxecto, cofinanciado polo Servizo Español para a Internacionalización da Educación (SEPIE) cun orzamento total de 53.354,46 euros (34.104,46 euros achegados polo Concello), busca proporcionar unha primeira experiencia profesional no estranxeiro, mellorar habilidades lingüísticas e fomentar o desenvolvemento persoal e profesional dos participantes.
O concelleiro de Educación, Formación e Innovación Tecnolóxica, Juan Ignacio Borrego, destacou a importancia do programa como unha oportunidade única para os mozos e mozas: “A experiencia de formarse durante tres meses en Europa permitirá mellorar tanto o dominio de idiomas como as habilidades persoais e profesionais, abrindo novas portas no mercado laboral”.
O xoves 5 de setembro, ás 12.00 horas, terá lugar unha reunión informativa para os seleccionados, onde se asinarán os convenios e se ofrecerán detalles sobre a súa estadía e preparación previa. Desde o inicio do programa en 2012, 248 titulados/as de FP participaron, contribuíndo ao éxito do ‘Proxecto Acoreuropa’.