Deportes

Disputaranse as finais feminina Victoria-Boiro e masculina Negreira-Montañeros

O campo municipal A Marola, en Oleiros, está preparado para recibir este domingo 29 de xuño as finais da Copa Deputación, unha xornada clave para o fútbol provincial. Ás 10.30 horas disputarase a final feminina entre o Victoria e o Boiro, mentres que ás 12.30 horas será o turno da final masculina entre o Negreira e o Montañeros.

Nas semifinais femininas, o Victoria impúxose con claridade ao Dumbría por 4-0, e o Boiro logrou o pase tras vencer ao Val por 0-1. Na categoría masculina, o Negreira venceu ao Dumbría por 5-2 e o Montañeros fixo o propio co Galicia Mugardos por 1-3, garantindo así o seu posto na final.

O Concello de Oleiros ofrece un escenario idóneo para que estas finais se celebren cun gran ambiente e competición.