Cultura

A actividade está dirixida a persoas mozas e adultas ás que lles guste camiñar, con inquietudes pola literatura e a fotografía, principalmente pola que xira en torno a un faro

Con motivo do Día Internacional do Libro, as Bibliotecas Públicas Municipais de Oleiros organizan un roteiro literario pola costa de Mera o día 18 de abril ás 11.00 horas.

Deste xeito, nesta data terá lugar a actividade “AO FARO. ROTEIRO LITERARIO POLA COSTA DE MERA” na que participará a escritora Silvia Salgado. Partirase da Biblioteca Municipal Mª José Trincado de Mera e camiñarase polo paseo marítimo e pola costa, con paradas e lecturas en voz alta e comentadas, ata chegar aos faros de Mera.

A actividade está dirixida a persoas mozas e adultas ás que lles guste camiñar, con inquietudes pola literatura e a fotografía, principalmente pola que xira en torno a un faro. Falarase da relación entre literatura e fotografía: do diálogo que se pode establecer entre esas dúas disciplinas artísticas, da beleza da paisaxe e o seu protagonismo en moitas historias,do paseo como evocador de narracións...

Para poder participar na actividade é imprescindible reservar praza na biblioteca Rialeda ou chamando por teléfono ao 981 639 511