Infraestructuras

O contrato inclúe tamén o servizo de limpeza diaria do inmoble e terá unha duración de tres anos, con posibilidade de prórroga, cun prazo de ofertas aberto ata o 1 de abril

O Concello de Oleiros abriu o prazo de licitación para adxudicar a concesión do servizo de café-bar da Casa do Pobo de Montrove, un contrato que incorpora tamén a prestación do servizo de limpeza das instalacións. A convocatoria xa figura publicada na Plataforma de Contratación do Sector Público.

Segundo a información difundida polo Concello, a concesión terá un canon mensual de 220 euros e unha duración inicial de tres anos, con opción de prórroga. O obxectivo é garantir o funcionamento do café-bar ao tempo que se asegura o mantemento diario do inmoble, de xeito que as dependencias estean en condicións óptimas para o desenvolvemento das actividades programadas na Casa do Pobo.

A adxudicación leva aparellada a cesión de uso das instalacións municipais e dos bens mobles vinculados ao servizo. O Concello porá a disposición da persoa ou empresa concesionaria o local, que inclúe as dependencias de cafetería, cociña e almacén, ademais do mobiliario e das instalacións propias do establecemento.

O prazo para presentar ofertas permanecerá aberto ata o 1 de abril.