Oito festivais da provincia da Coruña contarán con puntos informativos LGTBI+
A asociación LGTBI+ ALAS A Coruña poñerá en marcha oito puntos informativos en diversos festivais e festas populares da provincia, enmarcados na campaña “Liberdade de Ser e Sentir”, promovida polo departamento de Igualdade e Dereitos Civís da Deputación da Coruña. A primeira destas instalacións será en Carballeira de Zas.
O obxectivo principal desta iniciativa é sensibilizar á cidadanía e achegar recursos sobre diversidade afectiva, sexual, de xénero e familiar, creando espazos seguros e inclusivos libres de LGTBIfobia durante os eventos culturais e musicais do verán. Nos puntos informativos, o persoal da asociación ofrecerá materiais educativos, xogos e información relacionada co coidado da saúde sexual.
Ata o momento, a campaña está confirmada en seis festivais: Carballeira de Zas (8 de agosto), Castelo Rock en Muros (9 de agosto), A Xunqueira en Cee (15 de agosto), festas de San Roque en Betanzos (18 de agosto), festival Irmandiño en Moeche (23 de agosto) e festival Rock in Rian en Rianxo (5 de setembro). As dúas datas restantes serán anunciadas proximamente.