O taller de autoestima e coidado persoal arrancou en Présaras coa sesión sobre cuidado da pel

A primeira clase, impartida por Jessica Rico repasou a limpeza, exfoliación, nutrición e protección facial; aínda quedan prazas para as próximas sesións

Xa se celebrou a primeira sesión do taller de autoestima e coidado persoal no local social de Présaras, centrada no coidado da pel. A actividade contou coa participación de veciñas e veciños interesados en aprender hábitos básicos para manter a saúde facial e promover o benestar persoal.

A xornada estivo dirixida por Jessica Rico, que explicou de forma práctica e accesible como lavar, exfoliar, nutrir e protexer a pel; as asistentes puideron resolver dúbidas e coñecer produtos e rutinas axeitadas a distintos tipos de pel. A organización agradece a participación e o ambiente próximo xerado durante a sesión.

Seguen abertas as inscricións para as seguintes citas: automaquillaxe, o martes 14 de outubro ás 17:00; e rutina de autocuidados, o martes 21 de outubro ás 17:00 —ambas no local social de Présaras. As persoas interesadas poden anotarse chamando ao 981 778 257 ata o mesmo día de cada sesión.