O Rally da Coruña 2025 prepara un dispositivo de seguridade para garantir a súa correcta celebración
A subdelegada do Goberno na Coruña, María Rivas, presidiu a xunta de seguridade que ultimou os detalles para garantir a seguridade na 29ª edición do Rally da Coruña, que se celebrará os días 21 e 22 de marzo. Durante a xuntanza, a subdelegada fixo un chamamento ao cumprimento das normas, pedindo ao público e aos participantes respectar a sinalización e as indicacións do persoal encargado da seguridade do evento.
A xuntanza contou coa presenza de responsables da organización, da Garda Civil, Policía Nacional, Policía Local e representantes da Xunta e dos concellos polos que discorrerá a proba. María Rivas subliñou o esforzo do Goberno para asegurar que tanto os corredores como os espectadores poidan desfrutar deste evento deportivo coas máximas garantías de seguridade.
A subdelegada tamén aproveitou para felicitar á escudería One Seven, que leva dez anos organizando o evento, e destacou que na 29ª edición participarán 102 pilotos, incluíndo tres con vehículos World Rally Car homologados para o mundial de rallys. A proba, que forma parte do campionato galego de rallys, percorre as estradas de sete concellos da provincia, sendo especialmente emblemática a saída desde a praza de María Pita, en A Coruña.