O PSOE de Oleiros leva ao Pleno dúas mocións para a vivenda asequíbel e o coidado do espazo público
O PSOE de Oleiros anunciou dúas mocións para o próximo Pleno: unha centrada en mellorar o acceso á vivenda e outra en reforzar a mantención e limpeza dos espazos públicos. A agrupación pide a AVV que permita o debate de ambos asuntos.
En materia residencial, propoñen máis vivenda social, orzamento específico dende 2026, cesión de chan á Xunta e ordenanza de VUT antes de fin de ano para evitar o crecemento descontrolado. Critican que non se solicitasen zoas tensionadas nin se aplicasen límites ao alugueiro.
Os socialistas sinalan o aumento das VUT (49 en 2019, 100 en 2021 e novo repunte en 2025) e lembran que o Concello pediu baixa para 80 por carecer de licenza. Relacionan o encarecemento da vivenda coa redución da reserva para protexida e denuncian unha suba do IBI do 10 % fronte a bonificacións “do 90 %” a promotores.
No espazo público, cualifican de insuficiente a limpeza, con sucidade arredor de contedores e deficiencias nun contrato de 4,5 millóns anulado polo TACGAL. Esixen máis medios na rúa e control contra o incivismo, así como un plan de mantemento continuado.