O PSOE de Arteixo pide explicacións sobre o PXOM e os deslindes cos concellos veciños
O Grupo Municipal Socialista de Arteixo anunciou que solicitará no próximo pleno información sobre o estado do Plan Xeral de Ordenación Municipal (PXOM) e sobre as negociacións cos concellos de A Coruña e Culleredo.
Segundo o voceiro socialista, Martín Seco, a última reunión da comisión de seguimento do PXOM tivo lugar en novembro de 2024 e, desde entón, non se recibiu información sobre os traballos da empresa contratada para a redacción do plan. Tamén sinala que o documento non foi presentado oficialmente aos membros da comisión.
Ademais, o PSOE asegura que non se produciron avances nos deslindes cos concellos veciños, a pesar de que A Coruña e Culleredo manifestaron dispoñibilidade para negociar. Seco recorda que o alcalde de Arteixo comprometeuse a resolver o deslinde entre Meicende e a cidade herculina hai 14 anos.
O portavoz conclúe que, segundo o grupo socialista, existe vontade política por parte dos concellos limítrofes, e que corresponde ao goberno local de Arteixo iniciar as negociacións para actualizar o PXOM e definir os límites municipais.