O programa Móvete+ retoma as aesións de actividade física para mulleres con enfermidade oncolóxicas en Oleiros
O programa Móvete+, dirixido a mulleres que están a pasar ou xa superaron un proceso oncolóxico, recomeza as súas sesións de actividade física para mellorar a súa calidade de vida.
Esta iniciativa ofrece a posibilidade de participar en clases semanais que teñen lugar na Casa da República, onde se imparten sesións todos os venres. As mulleres interesadas, residentes en Oleiros, poden inscribirse a través do formulario dispoñible na sección de Servizos Sociais da web municipal, podendo escoller entre dous horarios: ás 10:30 e ás 12:00, con sesións de hora e media de duración.
Non existe un prazo pechado para apuntarse, permitindo ás participantes incorporarse en calquera momento, sempre que presenten un informe médico que avale a súa situación. Para máis información, pódese contactar co departamento de Servizos Sociais e Igualdade do Concello de Oleiros, chamando ao 981 610 000 ou enviando un correo a igualdade@oleiros.org ou igualdadeoleiros@gmail.com.
O obxectivo principal do programa Móvete+ é mitigar os efectos secundarios dos tratamentos oncolóxicos, como fatiga, trastornos do sono, problemas de concentración e memoria, entre outros, así como mellorar a autoestima, o benestar emocional e as relacións sociais das participantes. Ademais, fomenta a creación dunha rede de apoio mutuo para enfrontar as dificultades cotiás e mellorar a súa calidade de vida global.