O PP de Sada denuncia un incumprimento medioambiental na zona de Fontán
O Partido Popular de Sada únese á denuncia dos veciños de Fontán ante o incumprimento da normativa medioambiental relacionada coa recollida e xestión de residuos. Os populares critican a acumulación de material sobrante de obras, como a realizada na rúa San Jurjo Badía, nunha parcela particular situada no final do histórico e pintoresco barrio de Fontán, un lugar protexido por Patrimonio e no corazón dun enclave marinero de Sada.
Indican que a zona onde se están a acumular os residuos está situada nun área protexida, á entrada de un dos "roteiros" máis visitados do municipio, que segue a costa de Carnoedo. Un cartel do Concello á entrada da zona advirte que está "Prohibido verter cascallos, residuos, restos vexetais e calquera outro elemento ou sustancia prexudicial para o medio ambiente". Con todo, a situación é ben distinta, como puido comprobar a portavoz do Partido Popular, Esperanza Arias, quen visitou a zona este domingo.
Arias puido verificar a presenza de restos de material de obra, como tuberías, plásticos, madeiras, espellos, sinais de tráfico, tapas de alcantarillados, e incluso uralitas e cañerías de fibrocemento e amianto, o que supón un serio risco para a saúde pública e o medio ambiente. A denuncia foi recollida pola policía local a petición dun veciño, que tamén informou ao Concello.
Ademais, o SEPRONA e "A Valedora do Pobo" xa recibiron denuncias sobre esta situación e outras relacionadas coa obra na zona. O Partido Popular critica a falta de responsabilidade e exemplitude do Goberno de Portela, que non cumpre as súas propias ordenanzas medioambientais, as mesmas que esixe aos veciños cando solicitan permisos para realizar obras nas súas propiedades.
"Resulta incoherente e carece de ética que Sadamaioría e o BNG non denuncien feitos como este, cando existen outros casos semellantes, como os restos da obra 'paralizada' na Avda. Párroco Villanueva, nas Brañas", afirmou Arias. A portavoz tamén sinalou que San Jurjo Badía, a Avda. de Sada e os seus contornos, e a Avda. Párroco Villanueva son exemplos claros dunha xestión deficiente, con obras inacabadas e mal executadas.
Arias tamén anunciou que o Partido Popular volverá a esixir respostas no pleno sobre outras actuacións inexplicables, como o apoio do alcalde á xestión de Nostián, que leva anos incumprindo o tratamento de residuos. Ademais, tamén cuestionou o acordo do Consorcio que perdoou máis de 7 millóns de euros á empresa concesionaria do servizo sen contar co acordo plenario e sen informes técnicos municipais. "Falar de delito medioambiental é falar de un crime, que debe ser castigado pola lei", concluíu a portavoz popular.