O PP de Culleredo reúne á hostalaría para explorar novas oportunidades no paseo marítimo de O Burgo tras a asunción do litoral pola Xunta
O Partido Popular de Culleredo reuniuse hoxe co sector hostaleiro e convocou para o martes 23 de setembro, unha xuntanza informativa para explicar de primeira man as oportunidades que abre a asunción pola Xunta de Galicia das competencias sobre o litoral, vixente dende o 1 de xullo. Os populares esixen ao alcalde José Ramón Rioboo que presente de inmediato á Xunta un plan de explotación do paseo marítimo de O Burgo, elaborado en colaboración coa hostalería local.
Os hostaleiros cualificaron a iniciativa como 'unha gran oportunidade' para dinamizar a actividade económica e turística da zona e mostraron disposición a participar en propostas como a instalación de chiringuitos móbiles e sostíbeis, así como en actividades deportivas e de lecer vinculadas ao paseo. Izaskun García, portavoz do PP en Culleredo, subliñou que 'Culleredo non pode perder este tren' e reclamou un proxecto claro e compartido que converta o paseo nun espazo de ocio sostíbel para veciños e visitantes.
O PP recorda que os concellos teñen prioridade para presentar os seus plans de explotación ata finais de outubro, antes de que o proceso se abra a particulares a mediados de novembro, e que a Xunta promete facilitar trámites, axilizar autorizacións e ofrecer ferramentas de apoio informativo. Ademais, o grupo local comprométese a elevar as conclusións da xuntanza á Consellería de Medio Ambiente e á Delegación Territorial na Coruña e a solicitar a presenza de representantes autonómicos en próximas reunións para acelerar un aproveitamento ordenado do litoral.
Na reunión tratáronse tamén as conclusións da I Cumio de Municipios Costeiros de Galicia, celebrada en Santiago coa participación de 86 concellos, e as opcións para implantar modelos desmontables e integrados na paisaxe que permitan á hostalería ampliar servizos sen danar o entorno. Os populares advertiron de que outros municipios xa avanzan e que Culleredo non debería quedar rezagado.
Izaskun García comprometeu que, se o Concello non actúa con rapidez, o grupo municipal do PP acompañará directamente aos hostaleiros para canalizar as súas propostas ante a Xunta. O obxectivo é reforzar o desenvolvemento económico e turístico de O Burgo mantendo a orde e a sustentabilidade do espazo litoral.