O PP da Coruña considera preocupante que xurdan novas dúbidas en torno a un asunto relacionado co voceiro municipal
O Grupo Popular da Coruñaconsidera preocupante que aparezan sombras de novo ao redor dun asunto relacionado co Goberno municipal e en concreto co seu portavoz. Lage Tuñas é o concelleiro responsable de planificación urbana polo que é quen se encarga da urbanización de As Xubias; tamén o é de proxectos estratéxicos, onde encaixa o Plan Estratéxico municipal 2030-2050.
O portavoz do Goberno afirmou onte que a futura directora do Plan, Isabel Pardo de Beira, traballe á súa vez para o fondo inmobiliario que asinará un convenio urbanístico co concello para urbanizar As Xubias. De verdade non ve o problema? “Esiximos luz e taquígrafos”, sinala Miguel Lorenzo.
Lage Tuñas destacou ademais que non hai problema porque non traballará para o concello a tempo completo. “Isto aínda nos deixou máis preocupados: de verdade a directora do plan estratéxico máis importante para o futuro da cidade traballase nel a tempo parcial?”, pregunta o portavoz Popular.
Doutra banda, o Goberno municipal leva tres anos poñendo obstáculos para conceder licenza á Xunta para a reforma do Centro de Atención a Persoas con Discapacidade, prexudicando ás súas máis de cen usuarios e poñendo en perigo os fondos europeos, xa que ten que estar acabada en xuño de 2026 e xa van moi xustos de prazos.
A Xunta solicitou a licenza en xaneiro de 2021. Miguel Lorenzo pide ao Goberno municipal que deixe de poñer obstáculos. “É inadmisible que leve 3 anos bloqueando a licenza para que a Xunta reforme o Centro, poñendo en risco os fondos europeos. Para outras licenzas si se dan présa”, como a do cambio de uso de Lage Tuñas
Sobre o novo contrato do bus urbano, Miguel Lorenzo afirma que “todos sabemos desde hai tempo que o actual finaliza o 31 de decembro, e onte escoitabamos ao responsable de contratación, Lage Tuñas, dicindo que espera ter un borrador de pregos a finais de 2025”, un ano despois de que acabe o actual.
“Van licitar un estudo, despois de que o anterior goberno tamén fixese varios estudos; despois farán os pregos; logo licitarán o contrato. É dicir, que o novo contrato do bus, con moita sorte, non estará adxudicado ata dentro de tres anos. Esta é a forma de traballar deste goberno municipal”, destaca.