O pavillón Sofía Toro acollerá o 3º Encontro de Bolillos de Cambre
O Concello de Cambre acollerá o vindeiro sábado 29 de novembro o 3º Encontro de Bolillos, unha xornada dedicada á artesanía tradicional que se desenvolverá no pavillón Sofía Toro. A actividade está organizada por AMR Antonia Dans e conta coa colaboración do Concello, que destaca o valor destes encontros para manter vivo o traballo artesanal e crear espazos de convivencia interxeracional.
Ao longo da mañá e da tarde está previsto que palilleiras e palilleiros amosen en directo o seu traballo con encaixe de bolillos, nun ambiente aberto ao público no que veciñanza e visitantes poderán achegarse a ver as pezas, intercambiar impresións e coñecer de preto as técnicas desta labor minuciosa.
Desde o Concello sublíñase que o encontro pretende, ademais de poñer en valor o oficio, servir de punto de encontro para grupos e asociacións vencelladas ás labores tradicionais, reforzando a programación cultural e de ocio do municipio nunha fin de semana na que Cambre volverá a apostar pola artesanía feita a man.