O Museo Estrella Galicia organiza unha cata de Entroido

Por unha banda, haberá unha cata a cegas, na que as copas serán de cor negra e o público deberá determinar, a través dos cheiros e sabores, que bebida é. Por outro, ofrecerá un menú “divertido e sorprendente”, que maridará coas cervexas da cata a cegas, xogando con texturas, trampantojos, cores, formas e sensacións, e cuxos ingredientes tamén deberán tentar adiviñar os asistentes. Ademais, en paralelo, desenvolverase un concurso de disfraces. As entradas pódense reservar a través da web oficial do museo.

Con esta iniciativa, MEGA propón un evento divertido e sensorial para celebrar o Entroido galego no Museo de Estrela Galicia. ‘O Entroido chegou’ será unha experiencia única para espertar todos os sentidos a través de xogos, catas a cegas e un menú sorprendente cuxos pratos maridan coas cervexas que forman parte da cata a cegas.

En que consiste a cata de cervexa? Nunha degustación a cegas de cinco cervexas. O reto é saber se é ou non é unha cervexa. O público deberá deixar a vista ao carón e activar o resto dos seus sentidos para responder a esta sinxela pregunta. Ademais, servirase un menú carnavalesco: grazas a Terra Foods, os asistentes gozarán dun menú sorprendente e moi diferente a todo o que probasen ata o de agora. Unha vez máis, a vista non servirá, senón que cada un deberá confiar no seu instinto para adiviñar os sabores propostos, que maridarán coas referencias cervexeiras que forman parte da cata a cegas. E, o mellor: quen se anime a ir disfrazado, poderá degustar unha cana de benvida e terá a posibilidade de participar nun concurso de disfraces. O premio? Será, de novo, unha grata sorpresa.