O Goberno local de Curtis esixe que se manteña a casa cuartel da Garda Civil
O Goberno Local levará o vindeiro martes unha moción ao Goberno de España onde reclama o mantemento e reforzo do cuartel da Garda Civil no municipio, ante o risco de peche derivado da política de redución de efectivos e recursos nas áreas rurais da provincia da Coruña
O documento denuncia que, debido ás decisións do Ministerio do Interior, o cuartel de Curtis podería verse desmantelado, obrigando aos veciños do concello e da comarca para depender dun posto situado a máis de 22 quilómetros o que supoñería unha vulnerabilidade en termos de seguridade.
Segundo o Goberno Local, o cuartel de Curtis é fundamental non só para os veciños do municipio, senón tamén para os concellos limítrofes e da montaña coruñesa. O alcalde de Curtis comunicaba esta mañá que “Me mostro moi preocupado polas informacións que transcenden do Ministerio ante o posible desmantelamento e peche de cásalas cuarteis da Garda Civil situadas no rural galego”.
Ao longo dos últimos anos, o Concello presentou varias mocións pedindo máis efectivos para o seu cuartel, con respostas insuficientes por parte do Goberno. Esta moción reclama, entre outras medidas, evitar o peche de calquera posto da provincia da Coruña, concretamente o de Curtis; o aumento urxente do persoal en Curtis; a cobertura das vacantes existentes e a garantía de atención presencial 24 horas nos cuarteis da provincia evitando que os veciños se vexan obrigados a desprazarse ou a verse en situacións que provoquen que non dispoñan de medios para poder realizar trámites que se necesiten.