O Goberno central comprométese a actuar na pasarela do Castelo de Santa Cruz
O alcalde de Oleiros, Ángel García Seoane, e o concelleiro de Obras e Medio Ambiente, Antonio Molinos, mantiveron unha reunión en Madrid co secretario de Estado de Medio Ambiente, Hugo Morán, e outros responsables do Ministerio. O encontro, que resultou moi cordial e positivo para os intereses do municipio, concluíu co compromiso por parte do Goberno central de abordar de inmediato a reforma ou a construción dunha nova pasarela no Castelo de Santa Cruz.
O alcalde destacou a importancia deste acordo para mellorar a infraestrutura local e garantir a seguridade dos veciños e visitantes. A pasarela do Castelo de Santa Cruz é un dos elementos máis emblemáticos de Oleiros, polo que a súa mellora é fundamental para a accesibilidade e o turismo na zona.
Ademais, tamén se acadou un principio de acordo sobre as conexións do paseo da ría que quedaron pendentes coa obra do dragado. O Ministerio de Transición Ecolóxica comprometeuse a enviar un equipo técnico ao municipio en breve para definir as obras necesarias e os trazados para conectar, tal e como pediu o alcalde, os paseos de Cambre e Oleiros. Este compromiso facilitará melloras nas infraestruturas de mobilidade e acceso para os veciños e turistas da zona.