O Fórum Metropolitano da Coruña acollerá unha gala en homenaxe ao escritor Xabier Docampo
ACoruñaXa
Na biblioteca na biblioteca municipal do recinto terán lugar actividades polo Polavila Docampo 2024 e nelas participarán poetas, músicos, narradores orais, cantoras, escritoras e escritores e outras amizades
20 Mar 2024
O vindeiro venres 5 de abril terá lugar unha homenaxe pública e itinerante ao mestre e escritor Xabier Docampo, que terá lugar cada ano nunha provincia e cidade distinta. E este 2024 será no Fórum Metropolitano da Coruña.
Ademais da gala, na biblioteca na biblioteca municipal do recinto terán lugar actividades polo Polavila Docampo 2024 e nelas participarán poetas, músicos, narradoras/es orais, cantoras, escritoras e escritores e outras amizades. Por suposto, calquera persoa que o desexe pode participar nela. Ademais, haberá actividades e sesións de contos para nenas e nenos para achegármonos á figura e á obra de Xabier Docampo.
