O Espazo Portas Ártabras ofrece o xoves a presentación do libro 'Fragor do urdido'
ACoruñaXa
O libro 'Fragor do urdido' é unha intervención poética sobre un tempo confinado, o da pandemia por Covid-19
24 Abr 2024
O xoves 15 de febreiro o Espazo de Portas Ártabras dos Amigos dos Museos de Galicia acollerá, ás 20.00 horas, a presentación da edición bilingüe de 'Fragor do urdido / Fragor de la urdimbre' editado por Belagua. Acto no que participarán os autores: Eva Veiga e Fernández Naval.
O libro 'Fragor do urdido' é unha intervención poética sobre un tempo confinado, o da pandemia por Covid-19. Cincuenta poemas sen ningunha marca de autoría, que harmonizan nesta edición bilingüe dúas das voces mellor consideradas da poesía galega.
Ao remate do acto propoñeremos cantar xuntos “Grándola Vila Morena”. A entrada ao evento é libre ata completar aforo.
