O espazo de Portas Ártabras ofrece esta semana un curso de 'Como se visita un museo'
Ao longo desta semana, do luns 18 ao xoves 21 de marzo a Asociación Amigos dos Museos de Galicia organiza o seu tradicional curso 'Como se visita un Museo' no seu espazo en Portas Ártabras, Sinagoga 22 (Tras da Colexiata, Cidade Vella).
A formación consiste nunha parte teórica e noutra práctica. Durante ela, analizaranse os tipos de museos, o seu estado da cuestión en Galicia, asi como en relación con outros.
Tamén ofreceranse un tipo de recomendacións, tanto para a visita individual como colectiva a cada tipo de museo.
O martes 19 de marzo, ás 20.00 horas o museólogo e arqueológo Felipe Senén impartirá a conferencia 'Arredor do estado da cuestión dos Museos': repaso do pasado, presente e futuro dos museos galegos en relación con outros, especialmente británicos.
Asimesmo, nalizaranse obras de arte, artefactos, tratando de contextualizalos e de xeito especial a obra de dous creadores galegos homenaxeados neste 2024: a do escultor Asorey e a do arquitecto Antonio Palacios.
O curso será impartido pola directora do Museo de Lugo, Aurelia Balseiro e por Felipe-Senén. Estará abertora a todo aquel que desexe participar en horario de 20.00 a 21.00 horas.
