O espazo de Amigos dos Museos en Portas Ártabras acolle este xoves a proxección do documental: 'Na Procura do Santo Graal'
ACoruñaXa
O ciclo arredor do Graal continuará durante os vindeiros xoves do mes de xullo
3 Jul 2024
Este xoves 4 de xullo, ás 20 horas en Portas Ártabras na Cidade Vella da Coruña, continua o ciclo arredor do Graal, coa proxección dun interesante documental: 'Na Procura do Santo Graal'.
Tema da cunca sacra, na que Xosé de Arimatrea recolle o sangue de Cristo, incrementado con aportes míticos do medievo, arredor dos que xiran as lendas artúricas, orixe das novelas de cabaleirías e da ópera o Parsifal de Wagner e que tanto inspirou ao galeguismo dos anos modernistas.
O ciclo arredor do Graal continuará durante os vindeiros xoves do mes de xullo. A entrada será libre ata completar aforo.
