Eventos

A festa celebrarase o sábado 14 de febreiro desde as 17.00 horas con monitores e actividades para a rapazada, organizada pola S.C.R. Amigos de Lorbé coa colaboración do Concello

Lorbé quenta motores para unha tarde de Entroido pensada especialmente para as máis pequenas e pequenos da casa. A Casa do Pobo acollerá o sábado 14 de febreiro, a partir das 17.00 horas, unha xornada de ‘Carnaval Infantil 2026’ na que os disfraces serán os grandes protagonistas.

A cita contará con monitores e propostas de lecer para que a rapazada poida xogar e participar nun ambiente festivo, ao tempo que as familias teñen un punto de encontro para compartir a celebración no corazón da parroquia.

Como colofón doce, a organización anuncia chocolate para todas as persoas asistentes. O evento está impulsado pola S.C.R. Amigos de Lorbé e conta coa colaboración do Concello de Oleiros.