O dominio galego impulsa o XXVII Trofeo Teresa Herrera de judo
O Palacio dos Deportes de Riazor acolleu o XXVII Trofeo Teresa Herrera de judo, integrado no sector oeste do Campionato de España absoluto, cun censo de 120 deportistas e un balance triunfal para Galicia, que acudiu con 58 judocas e liderou o medalleiro con 19 ouros, 12 pratas e 14 bronces.
En clave provincial, os sete ouros coruñeses levaron a sinatura de Carola Veiras, Daniela Sevillano, Carla Mosquera, Carlos Infanzón, Bruno Calvo, Miguel Mirás e Daniel Lago; en prata clasificáronse Inés Fernández, Sabela Lage, Pablo Rico, Guillermo Blanco e Miguel Trillo; e entre os bronces subiron ao podio Lucía Pazos, Anderson Cotón, Xerardo Bouzas e Mario Díaz.
Por seleccións, Castela e León rematou segunda (4-3-4), por diante de Asturias (1-7-3) e Cantabria (0-2-2). A fase final disputarase o 29 de novembro en Madrid. Na entrega de premios estiveron Roberto García Fernández (Xunta), Manuel Vázquez (Concello da Coruña) e os responsables da Federación Galega de Judo, Mario Muzas Cobo e Eduardo Galán Palla, xunto con presidentes doutras federacións autonómicas. No tecido de clubes coruñeses salientou a presenza, entre outros, de Judo Club Cambre, Club Judo Shiai, Judo Club FIBRA e Judo Club Oleiros, entre outros.