Deportes

O xogador participará nunha xornada de adestramento o venres 20 de febreiro no Deport Training Center, cunha citación ás 18.15 horas e sesión de 19.00 a 20.30 horas

Unha chamada que ilusiona na base. O Real Club Deportivo da Coruña citou ao prebenxamín Aldán Fandiño Collazo, do CF Oza-Cesuras, para participar nunha xornada de adestramento no Deport Training Center de Abegondo, dentro das dinámicas de seguimento e formación da canteira branquiazul.

Segundo a citación remitida ao club, o adestramento terá lugar o venres 20 de febreiro. A hora de chegada está fixada para as 18.15 horas e a sesión desenvolverase de 19.00 a 20.30 horas. Para unha correcta organización, solicítase confirmar a asistencia antes do luns 16 ás 12.00 horas.

Na convocatoria tamén se detalla o material obrigatorio, que inclúe toalla e chanclas para a ducha, botas de fútbol e espinilleiras. Dende o CF Oza-Cesuras puxeron en valor o carácter formal da comunicación e felicitaron ao xogador pola oportunidade de vivir unha experiencia especial nunha instalación de referencia.