Deportes

Este veciño de Montouto destaca na súa traxectoria tamén polos seus fitos na disciplina de judo

O mozo deportista de Abegondo, Martín Barbeito, acadou a medalla de bronce no Campionato de España de Sambo celebrado o pasado 15 de marzo, competindo na categoría xuvenil de -58 kg. Este veciño de Montouto, con este logro, suma un novo éxito á súa traxectoria deportiva, destacando tamén polos seus fitos na disciplina de judo.

O seu adestrador, Edu Carballeira, do club Judo Hércules, xoga un papel fundamental no seu desenvolvemento e progresión deportiva. O traballo e a dedicación de ambos están a dar os seus froitos, situando a Martín como unha das promesas do deporte de combate a nivel nacional.